naskah drama sunda

 nah kalau naskah ini asli saya buat sendiri, ya maaf aja kalau kurang sempurna. karena kesempurnaan hanyalah milik Allah SWT,,

MARKO’AH

Ti hiji kampung, aya salah sahiji kulawarga anu ngagaduhan putra nu bade dibabarkeun nyaeta marko’ah. Pas bade dibabarkeun…

(sora bentar)

8 tahun kemudian …

(sora hayam)

Isuk – isuk, ambu sareng abahna marko’ah tos aya di payuneun bumina.

Ambu : (napian beas)

Abah : ambu … ieu abah moal dijieunkeun cai? (sabari nangkring)

Ambu : aduh abah hampura, ambu the hilap, keun atuh urang jieun heula nya bah. Titip heula atuh bah ieu tapianna (nyimpen tapian beas bari kajero imah)

Abah :euleuh, ari si ambu the kumaha?(bingung)

Pas ambu kajero, jol daratang 3 putri abah jeung ambu ti jero imah. Nyaeta Marfu’ah, Ijah, jeung Kokom.

Abah : aduh putri abah nu garelis, bade kamarana enjing – enjing kieu?

Marfu’ah : sanes abah, nembe teh tadi dipiwarang ku ambu mersihan beas, bilih aya batu anu nyarelap tina beasna.

Ijah jeung kokom : muhun abah (babarengan)

Abah : oh, panya abah teh bade kamana kitu. Tah sok atuh candak tapianna (ngasongkeun tapian beas)

Kokom : (nyandak tapian sabari dibawa)

Ambu : (datang bari mawa cai kopi) eh, ari si ujang kamana? Naha, sare keneh kitu?

Ijah : muhun ambu, tuh di kamar keneh nuju ngagoler bari di samping sarung. (sabari milihan beas)

Ambu : (geleng – geleng mastaka) astaghfirullah hal adzim, eta budak hiji – hijina lalaki, kacida kedulna. Ko’ah... ko’ah... gewat hudang, kadieu bantuan abah nyeukeutan peso. Lain sare wae maneh teh!

Abah : naon ari ambu, da abah mah teu nuju nyeukeutan peso. (bingung sabari ninggal ka ambu)

Ambu : (mikeun peso) yeuh pesona, tah geura seukeutan.

Abah : (nyokot peso ti ambu) eh ambu, ari ieu peso timana?

Ambu : timana weh atuh abah. Abah mah hoyong terang wae. Lamun basa gahol na mah KEPO. Ges ah bah, tuh dek ngageroan si ko’ah kalah teu jadi, Ko’ah... ko’ah...

Marko’ah : (jol ti panto make samping sarung bari lunglay) aya naon ambu?

Ambu : euh,, alus nya maneh ko’ah, jam sakieu karek hudang!

Marko’ah : aduh ambu, marko teh kedah sabaraha kali ngawartosan ambu. Nyebatna ulah ko’ah tapi marko, supados keren mun basa ingrisna mah co ol gening. Tapi, upami ambu bade nyauran abdi ku ko’ah mah, nyauranna kedah afdol. Siga kieu tah aya lekoh – lekoh na gening. KO’AH (meragakeun). Tah kitu ambu.

Ambu : alah,, ngaran mah teu kudu dialus – alus, ari ges kitu mah kitu weh. Ulah ciga toke hayang jadi maung, da moal nyambung atuh. Jeung eta deui nanaonan, make kaos kaki kalahkah sabeulah. Naha, maneh teh geus eror kitu?

Marko’ah : keun wae atuh ambu, da marko ieu nu make  sanes ambu. Nya Kumaha marko weh.

Ambu : euh, dasar hese diatur budak teh! Ges gewat tuh bantuan si abah! (nunjuk ka abah)

Marko’ah : nya entos atulah. (sabari calik gigiren abah)

Kokom : ambu, ieu beasna tos bersih tur kinclong. Ayeuna wios ameng?

Ambu : oh, tos beres gening. Nya sok simpen weh didinya. (nyamperkeun kana tapian beas)

Kokom : asiik..

Marko’ah : tuh gera ambu, ari si kokom jeu si teteh wios ameng ge, ari marko teu kengeng. (nunjuk ka 3an)

Ijah : ah eta mah DL weh. Bongan beut hudangna beurang. (melak cangkeng) hayu ah urang ulin weh, keun bae si ko’ah mah tong di ajakan. Bongan, kedul beakeun ku sorangan! (bari indit)

Marko’ah : bae weh! (rada nyentak) keun weh tingalikeun tah engke.

Kokom, ijah & fu’ah : (pura – pura teu ngadenge)

Marko’ah : bah, ko’ah mah, eh poho. Maksudna marko mah tos weh ah mantuanna. Marko mah bade ameng weh ah. (nyimpen peso bari indit)

Abah : euleuh eta budak.

Sarengsena mantuan abah, tuluy marko’ah nyusulan dulurna anu nembe bade mulai ngulinkeun kaulinan. Tapi, ti kajauhan dongkap rencang nu sejen, anu bade ngiringan eta kaulinan nyaeta namina eha.

Eha : ijah, kokom, fu’ah... (ngagorowok ti jauh keneh)

        Kela dagoan atuh, urang rek ngiluan yeuh.

Marfu’ah : nya sok bae upami bade ngiringan mah. Kadieu atuh (sabari ngajak)

Kokom : hayu atuh urang mulai weh langsung.

Ijah : emang urang dek ulin naon?

Eha : enggeus weh urang ulin endog – endogan. Arapal teu?

Marfu’ah : nya apal atuh eha. Piraku weh urang sunda teu apal endog – endogan.

Kokom : sok atuh hayu.

Maenkeun kaulinan ....

Kokom : engges – engges. Ulinna tong eta wae ah bosen, nu lain atuh.

Marfu’ah : emang kokom hayang ulin naon?

Kokom : naon nya? (mikir)

Ijah : tah kumaha lamun ulin tatarucingan?

Eha : hayu.

Tatarucingan ...

Marko’ah : meuni ngarenah tea arulin. Tah, rasakeun ieu. Bonganna teu ngajak ulin. (ngalungkeun batu)

Kokom : aw... aw... nyeri. (nyabak tonggong)

Marfu’ah : kunaon kokom? (nyampeurkeun kokom)

Kokom : euh, saha nya nu ngalung keun batu ih.

Marko’ah : (ujug – ujug nolol) hahaha... puas – puas, wekdor – wekdor (bari jojogedan). Bisaan nya? Euh, saha heula atuh. Markoo ... si jawara tea atuh.

Eha : emang maneh pernah meunang lomba naon?

Marko’ah : ah, maneh mah teu apalen. Apanan kamari urang teh meunang lomba paheula – heula newak hayam.

Eha : naha ari maneh, naon hubunganna meunang lomba newak hayam jeung ngalungkeun batu?

Marko’ah : bae weh! Nu penting mah meunang.

Ijah : lain kitu ari maneh. Mikir lain seuri, tuh tingali adi maneh ceurik kitu.

Marko’ah : ih naon nya si teteh, ujug – ujug nyambung wae.

Kokom : teuing tah ko’ah, ku urang mah bejakeun ka ambu. (lumpat bari ceurik)

Ijah : hag sia dibejakeun...

Marfu’ah : atos – atos, ko’ah susulan jig menta maap ka si kokom.

Marko’ah : alim ah teh.

Marfu’ah : nya entos weh ari alim mah, hayu ah urang susulan weh si kokom, karunya nyeurieun tonggongna.

Ijah : hayu ah, bae si ko’ah mah ulah di baturan deui.

Eha : hayu (sinis). Puas, euweuh anu ngabaturan deui.

Tidinya, pas sadayana tos ninggalkeun markoah. Tuluy marko’ah mikir ...

Marko’ah : (mondar mandir) menta maap ulah nya? Mun menta maap? eh, tapi lamun heunteu watir ka si kokom. Geus welah susulan, kula mah bade menta maap weh.

Satepina diimah, marko’ah nutadina bade menta maap teu jadi. Sabab, Pas teupi kalah di carekan tiheula ku ambu.

Marko’ah : (lumpat nyamperkeun kokom)

Ambu : ko’ah, ieu si kokom di naonkeun nepi ka ceurik kieu hah? Lainna menta maap, kalahkah los leos weh siga hayam wae. Buru menta maap! (melak cangkeng)

Abah : tos atuh ambu, ulah di carekan teuing karunya ningalina ge. (nyagap tak tak ambu)

Ambu : sanes karunya bah, sina mikir ku ambu mah.

Marko’ah : ambu! maksad marko nyeseulan kadieu teh tadina mah bade menta maap ka si kokom. Tapi, kumaha coba? Marko dongkap ka dieu teh ukur di carekan ku ambu. Kunaon sih ambu teh taya sakali – kali acan ngabela marko? Ambu mah meuni teu ngartos naon anu ku marko rasakeun ayeuna...?

Curhattt....

Marko’ah : nya geuslah ayeuna mah, marko geus teu betah cicing didieu. Asa jadi anak tere didieu mah dicarekan wae ku sasaha teh. Geus ah, marko mah dek indit weh.

Ambu : ko’ah .... bah, hayu atuh urang udag itu si ko’ah. (nunjuk ka si ko’ah)

Abah sareng ambu ngudag marko’ah. Disusul ku eha, fu’ah, kokom jeung ijah. Dijalan, tatangga araneheun tur panasaran ninggali kajadian eta.

Ibu 1 : eh, ari ieu barade kamarana nya lalumpatan kitu? Aya naon nya?

Ibu 2 : duka atuh, urang ngiluan weh yu.

Ibu   : hayu hayu, geuwat bisi tinggaleun. (lumpat)

Ambu : aduuuh .... (ngadadak jantungna nyeri)

        Aduh ... aduh ... abah, geuwat kadieu.

Abah : kunaon ambu?

(areureun lumpatna)

Ambu : jantung ambu abah, jantung ambu nyeuri ... (nyeupengan mastaka)

Abah : naha didinya jantung teh? Sanesna didieu ambu? (nyagap dada)

Ambu : nya wios atuh abah, kumaha ambu. Apanan sadaya sarap teh aya didieu abah. Aduh nyeuri abah.

Abah : alah, kumaha atuh? (bingung)

Budak”na : (bari nyampeurkeun) ambuuuu ....!

Ambu : koah ... si ko’ah mana?

Marko’ah : (geuwat nyampeurkeun) ieu ambu. Ieu marko. Aya naon ambu? Ambu kunaon?

Abah : ambu serangan jantung ko’ah.

Ambu : ko’ah, cing bageur nya, ulah bangor wae. Sing daek diatur, ulah jai wae. Maneh teh lalaki hiji – hijina di kulawarga ieu. Ulah maledogan adi maneh wae, jeung ulah poho solat. Ko’ah, hampura ambu nya sok nyarekan wae. Hampura ambu. (peureum)

Marko’ah : ambuuuu....! (ceurik)

Ti saprak marko’ah dikantun ku ambuna, marko’ah jadi bageur. Tara ngajailan dulurna deui. Ayeuna mah, kaayaan di imah teh tara ribut ciga biasana deui.

***