DRAMA SUNDA
HISTERIS CINTA DADANG
DISUSUN KU :
-W. MELISA LESTARI
-GHINA AMALIA SHOLIHAH
-LINTON CHINTYA SIAHAAN
-NISA DESTYANA
-IMAS ANI MARDIANI
-DEWI NATALIA SIRAIT
-TAUFIK HENDAR
-TOPAN DENO
XI IPA 1
SMAN 1 MARGAASIH
Hiji
mangsa, ti kampung Bojong Leungit aya hiji kulawarga anu diantarana Bah Oyoh,
Ma Entog, jeung anakna Dadang.
Di buruan ….
Ema : dang ….
Abah : dut!
Ema : dang ….
Abah : dut!
Ema : naaaa, ari abah nanaonan?
Abah : teu ah!
Dadang : (nyampeurkeun ema) aya naon atuh ma, meni asa rariweuh. Dadang
keur hese – hese berjuang teh.
Ema : berjuang naon ari maneh dadang?
Dadang : eta … biasa, keur setor di cai.
Ema : euleuh … euleuh … ari si dadang, dasar maneh mah bisana teh ngan ukur
hardolin weh!
Dadang : hehe … aya naon tadi teh ma ngageroan dadang? Mun sakira – kirana
penting mah sok ku dadang didangukeun. Ngan, mun teu penting mah sori sori weh
ma dadang sibuk!
Ema : euleuh si borokokok! Nya penting atuh ieu mah, matak ge yeuh
dangukeun heula ema! Cik kadieu, tah maneh diuk didieu (nuduhkeun tempat diuk).
Kieu dang, gening si enok teh dek dijodokeun.
Dadang : ah, dijodokeun kumaha?
Ema : piraku maneh teu ngarti dang? Ari maneh pernah dahar bangku sakola
acan? Piraku kitu wae teu ngarti!
Dadang : aduh si ema, aya aya wae tumaros teh ma, piraku dadang nuang
bangku sakola? Nya can pernah atuh ma! Tah lamun si sumanto karek
pernah, mineng malahan.
Ema : euleuh si dadang! Sumanto mah lain dahar bangku sakola atuh dang,
ayana oge dahar daging jelema! Ah maneh mah lieur. Yeuh dang, si enok teh dek
dikawinkeun ku indungna!
Dadang : oh … di kawin keun. Ngomong atuh ma titatadi, dikawinkeun kitu!
Jadi meh ngarti, teu bolat balit kawas tadi.
Ema : eh, si dadang kalahkah nyebut ‘oh’. Itu dang, si enok
dek dikawinkeun!
Dadang : hah? Apah ma?! Tiiidaaakkkk!!!! (setengah
nangtung).
Ema : apah, apah. Jiga urang kota wae!
Dadang : tah eta ma!
Ema : tah eta naon?
Dadang : nya eta, dadang teh kudu ka … ka …
Ema : kamana? Kamana? Ka … ka … ka kebon?
Dadang : henteu ma henteu …
Ema : euh … euh …
Dadang : sok sok ma, tuluy saeutik deui ma!
Ema : euh … euh … ah ema apal! Sok naon sok?
Dadang : euh … euh … bah, bah bantuan bah?
Abah : naon atuh dang?!
Dadang : sok naon sok bah!
Abah : euh … euh …
Dadang : buru atuh bah!
Abah : euh … sawah? Munding? Gunung?
Ema : sok geuwat bah, sok ku ema di supotlah bah!
Abah : euh … bangkong? Kodok? Katak? Euh … naon atuh kata kuncina?? Teuing
ah lieur! Abah mah rek nuluykeun maca Koran welah. (nuduhkeun koran) tuh
tingali dikota mah …
Dadang : (motong omongan) tah, tah eta bah! Wah, si abah pinteur
euy ….
Abah : weees …
abah tea atuh. Dang, tibaheula ge abah mah pinter, ngan teu nyirikeun weh.
Ema : emch, bagja!
Dadang : tah eta
ma, dadang teh kudu ka kota
neangan duit keur ngalamar si enok.
Ema : ulah ah dang, ema mah teu satuja!
Dadang : satuju meren ma!
Ema : nya eta, ema mah teu satuju!
Abah : abah ge teu satuju!
Dadang : atuh ma, bah, pan dadang teh bade ngalamar si enok kudu make biaya,
ku duit ma, duit! janten, dadang teh kedah gawe meh meunang duit keur ngalamar
si enok.
Ema : atuh dang, lamun dadang indit, engke ema sareng saha?
Abah : naaa, ari ema, ieu abah moal dianggap? Teing ah abah mah dek pundung weh ah. (asup
ka jero imah)
Dadang : pokona
mah dadang dek indit ka kota titik (bari indit)!
Ema :
daaaadaaaannggg!!! Jangan tinggalin emaaaa!!!
Dadang : meni
lebay ma, dadang mah moal kamana mana.
Ema : lah eta
maneh dek kamana?
Dadang : dadang
mah dek ka imahna si enok, dek mastikeun bener henteu si enok the dek
dijodokeun.
Ema : oh panya ema teh dek kamana…
Ti dinya dadang langsung indit ka imahna
si enok, maksadna mah dek mastikeun bener henteuna isu perjodoan si enok.
Di buruan enok ….
Dadang : enok …
Enok : muhun kang?
Dadang : leres enok teh bade dijodokeun?
Enok : muhun kang, tapi enok teh alim dijodokeun, da
enok mah cintana ge ngan ka kang dadang saurang. (isin - isin)
Dadang : sami enok, akang ge cintana ngan ka enok hungkul. Matak ayeuna
akang bade angkat ka kota, bade milarian acis kanggo ngalamar neng enok.
Janten, antosan akang nya neng?
Enok : muhun kang, enok jangji
bakalan satia ka akang, bakal nungguan kang dadang dugi ka mulih.
Wengina, tanpa kanyahoan ku sasaha,
dadang mereskeun baju maksadna mah bade kabur ka Jakarta tea. Si Dadang
langsung indit ka Jakarta, ngan teu ijin heula ka ema jeung abahna.
Isuk – isuk, di dapur ….
Ema : daaaang!
Abah : (diuk di korsi) dut!
Ema : daaaang!
Abah : dut!
Ema : euh si abah kabiasaan! Kamana nya si dadang teh? Naha, sare keneh
kitu?
Abah : duka, abah mah teu apal. Cikan pariksa ka kamarna, bisi ngagoler
keneh.
Ema : hayu atuh bah urang pariksa.
Ema jeung abah mariksa ka kamar si
dadang.
Ema : (asup ka jero kamar) aduuuh abah … si dadang kamana? Naha teu aya
dikamarna?
Abah : kunaon ma, kunaon?
Ema : ieu bah, si dadang euweuh!
Abah : naha? Si dadang the kamana? Cik teangan di kolong kasurna, bisi
ngagulutuk!
Ema : (mariksa kolong) teu aya bah!
Abah : (manggihan surat) ieu naon nya? (ngomong lalaunan). Ema, ari ieu
naon?
Ema : cikan ema hoyong ninggal! Bah, ieu teh eusina naon?
Abah : euh si ema, sugan teh bisa maca.
Ema : hehe …
Abah : (maca surat dadang)
Assalamu ‘alaikum wr wb …
Ma, abah, hampura
dagang nya?
Ema : dadang bah lain dagang.
Abah : euh tuda tulisan siga ceker munding.
Ema : si abah aya – aya wae, sok tuluykeun deui atuh bah.
Abah : (ngalanjutkeun maca)
Assalamu ‘alaikum wr wb
Ma, bah, hampura dadang
nya? Dadang teh nekad ka Jakarta teu pamit heula ka abah sareng ema. Margi,
upami dadang pamit ka ema, dadang moal diijinan ku ema, janten dadang teh kabur
wae. Dadang ka Jakarta the demi neangan artos kanggo ngalamar si enok. Upami,
ema sareng abah kangen ka dadang mah, telepon ka dadang weh. Engke dadang ge
pasti uih, antosan dadang weh nya ma? Sakalian ma, eta pan ngampihankeun gitar
di buruan bisi aya nu nyokot. Lop yu ema … lop yu abah …
Wassalamu ‘alaikum wr wb
Anakmu
tersayang,
Dadang
si kasep tea …
Ema : euleuh … euleuh … bah si dadang teh meni nekad, ema jadi teu geunah
hate kieu … telepon atuh bah, telepon si dadang.
Abah : sabar ma, sabar … (nelpon si dadang : tuuut … tuuut … tuuut … nomor
yang anda tuju sedang tidak aktif, cobalah beberapa saat lagi). Halo? Si dadang mana? Ieu saha ieu? Eh, di
pareuman si ontohod teh!
Ema : kunaon bah? Si dadang mana? Kadieu ema hoyong ngomong jeung si
dadang!
Abah : naon da ieu mah nu ngangkatna oge lain si dadang, kalahkah awewe nu
ngangkat telepona teh.
Ema : hah? Wah bah bahaya, boa – boa si dadang teh diditu keur jeung awewe
lian kitu bah?
Abah : tapi da ma, awewena the lainna ngomong halo, iyeu mah kalahkah
ngomong kieu tah “nomor yang anda tuju sedang sibuk, cobalah beberapa saat
lagi”. Tah kitu!
Ema : euleuh si abah, panya teh he’eh si dadang diditu teh jeung awewe
lian!
Abah : tuluy, ari tadi saha atuh nu ngomong ari lain awewe salingkuhan si
dadang mah?
Ema : eta mah nu ngomong operator baaah!
Abah : oh, operator panya teh saha. Eh, kela ma ari si operator teh sahana
si dadang?
Ema : euleuh … abah meni gaptek! Operator teh eta … ah teu penting eta mah.
Abah : tah, eta si
gaptek saha deui? Naaa, babaturan si operator kitu?
Ema : aduh si abah mah lieur, teuing ah bah ayeuna
mah nu penting si dadang kumaha?
Abah : tanyakeun weh ka si operator, apanan si
operator teh babaturang si dadang nu anyar!
Ema : euh si abah !!!
Ema
langsung ka bumina enok. Maksadna mah dek ngabejaan kaayaan si dadang.
Di imah enok ...
Ema : enoook ... enoook ...
Ma ijah : heh, aya naon ieu ribut – ribut? Ngaganggu
pisan!
Ema :ieu teh, si dadang teh kabur!
Ma ijah : nya terus hubunganna jeung di dieu naon?
Ema : muhun, ieu teh bade ngabejaan si
enok. (ngomong lalaunan) euh, dibageur – bageur kalahkah sosorongot!
Enok : (jol ti jero imah) aya naon ma?
Ema : itu nok, si
dadang!
Ma ijah : engges
... engges, si enok mah ges boga calon jadi euweuh urusanna deui jeung si
dadang!
Ema : nya puguh
aya, yeuh dengekeun, si dadang teh kabur apal teu gara – gara saha?
Ma ijah : gara – gara saha kitu?
Ema : tuh, gara – gara anak maneh si
enok!
Ma ijah : kunaon kitu jeung si enok?
Ema : eh, si dadang teh kabur gara – gara
anak maneh, eta si enok. Demi rek ngalamar si enok, si dadang teh ngabela – belaan
kabur ka jakarta keur gawe!
Ma ijah : nya eta mah salah si dadangna
bet kabur! Titah saha kabur hok? Barina ge mun si dadang geus gawe, angger weh
moal satuju boga minantu kos si dadang! Teu lepel!
Ema : euleuh ... nyebut teu lepel teu
lepel, angger weh maneh mah daharna ge sangu jeung hulu asin teu ngadahar emas!
Ma ijah : eh, gimana gue dong!
Ema : geus ah, lieur ngomong jeung
maneh mah jah, nok ema uih heula nya ?
Ma ijah : (asup ka jero imah)
Enok : muhun ma, ati – ati, hampura
nya ma?
Sementara
kaayaan dadang di jakarta ...
Dadang : (bari leumpang) euleuh, euleuh,
ieu teh jakarta kitu? Imah – imahna alalus euy, beda pisan gening jeung imah di
lembur mah. Euleuh, jakarta – jakarta, bener – bener geuning ibukota teh, hebat
euy ...
Tukang pokarewet : pokarewet ...
pokarewet ... pokarewet! (nubruk dadang)
Dadang : eh si emang, ati – ati atuh
mang!
Tukang pokarewet : eh si ujang, ti lembur
nya jang? Jang, bade pokarewet?
Dadang : muhun mang, bisaan euy si emang
nebakna. Naha mang eta pokarewet teh naon?
Tukang pokarewet : nya bisa atuh jang.
Apana emang ge sarua ti lembur. Naon? Ieu? (nuduhkeun pocari sweet)
Dadang : muhun.
Tukang pokarewet : oh, ieu. Ieu teh jang
pokari suwet.
Dadang : oh pokari suwet. Panya teh naon.
Tapi tadi mah emang teh lain ngomong pokari suwet, naon teh tadi teh?
Tukang pokarewet : pokarewet?
Dadang : tah eta!
Tukang pokarewet : nya pan tadi tos di
bejaan ku emang, emang teh sarua kos ujang ti lembur. Janten teu tiasa nyebat
pokari suwet!
Dadang : tah eta gening bisa!
Tukang pokarewet : eta mah conto atuh
jang!
Dadang : oh, conto!
Tukang pokarewet : ari ujang bade naon ka
jakarta?
Dadang : ieu mang, dadang teh bade nyiar
gawe. Kumargi dadang teh bade milarian duit kanggo ngalamar si enok di lembur.
Tukang pokarewet : oh kitu, sok atuh nya
cing sukses milari gawena. Ngan ati – ati nya jang?
Dadang : naha mang? Ati – ati kunaon?
Tukang pokarewet : yeuh kadieu jang, ku
emang bejaan!
Dadang : he’eh sok mangga!
Tukang pokarewet : kieu tah jang, do kota
ieu mah urang teh kudu waspada tur ati – ati. Sabab, di dieu mah rawan panipuan
jeung pancopetan! (nyokot dompetna si dadang)
Dadang : oh kitu nya mang?
Tukang pokarewet : nya emang kitu, matak
kudu ati – ati nya jang? Lamun anu teu kenal mah ulah diladenan weh nya? Nya
entos atuh emang bade neraskeun deui dagang na, mun kitu mah nuhun nya jang?
Dadang : mangga mang, mangga. eh si emang
meni bageur – bageur teuing. Kedahna ge dadang anu ngomong nuhun teh da entos
diwartosan ku si emang! (nyekel beuteung) aduh, dadang lapar euy, dek meuli
deungeun heula ah. (mariksa saku) euleuh, ari loket dadang kamana? Ah, ken bae
lah leungit loket hungkul mah, barina ge euweuh eusina ngan aya poto hungkul.
Sementawis
tukang pokarewet mariksa loket si Dadang.
Tukang pokarewet: Untung euy ayeuna
meunang loket (bari muka loket). Euleuh...naon eusina teh ngan poto hungkul?
Euh dasar abong ti kampung!
Cik kela kela asa apal ieu poto teh, poto
sahanya? Oh....ieu teh tatangga pas baheula di lembur. Aduh si ieu teh budakna si
Bah Oyoh tea geningan. Ngke welah mun papanggih urang balikeun deui.
Dijalan
bakat ku kagum ku bangunan di kota, Dadang teu merhatikeun jalan.
Dadang : Uluh...meni raresep kieu
euy di kota mah. Mun dadang geus beunghar mah dek pindah ah ka kota. Harade
kieu bangunanna.
(nabrak awewe ngaranna Priciel)
Priciel : Aw !!
Dadang : (Terpesona) wah...
Priciel : (Ngibaskeun buuk)
Dadang : Witwiw...
Priciel : Ihh...apaan sih lo !
Dadang : Neng meni ka geulis pisan.
Priciel : Nora banget sih!
Dadang : Euh si neng teh meni ka sombong
pisan.
Priciel : Masalah buat lo ? (bari indit)
Isukna di deukeut
kampus Priciel, si Dadang keur leumpang neangan gawe.
Dadang : Eleuh ieu teh kudu kamana deui
dadang teh nyiar gawe?
Meni ka hese pisan gening neangan gawe di
kota teh.
Priciel : Dea, gimana dong gue lagi butuh
supir nih. Gue cape harus nyetir sendiri. Pegel lagi.
Claudya : Hello...sekarang kan zaman
canggih. Pampang di koran ke dimana ke. Gausah dibawa ribet deh. Gitu aja ko
repot sih!
Priciel : Oh iya yah kenapa gue gak
kepikiran.
Claudya : Makanya berfikir cerdas dong
kaya gue.
Priciel : Wuu... cerdas apaan lo.
Claudya : Hehe
Priciel : (Ditabrak Dadang) Aw !
Dadang : Euleuh si neng geningan.
Priciel : Ih lo lagi lo lagi, apa sih mau
lo?
Dadang : Aduh si neng meni galak tea,
sabar atuh neng.
Yeuh neng dadang teh nuju bingung lamun
nyiar gawe dimana nya?
Claudya : (bari ngaharewos) Ciel,
kesempatan emas nih. Jadiin aja dia supir lo!
Priciel : Lo yakin?
Claudya : Gue yakin lah.
Dadang : Naon atuh neng kalakah
haharewosan ?
Priciel : Hm...gue mau ngasih kerjaan
buat lo!
Dadang : Ciyus eta teh neng?
Priciel : Beneran, tapi lo bisa nyetir
mobil kan?
Dadang : Oh gampang neng. Dadang ge di
kampung mah sok nyetiran.
Nyetiran munding.
Priciel : Ya apalah mundang munding, yang
penting lo bisa nyetir dan lo langsung kerja sekarang. Gimana?
Dadang : Aduh...nuhun pisan neng. Dadang
teh siap wae atuh sok hayu lah.
Priciel : Oke nih kunci mobilnya.
Sementawis
di kampung si enok ngalamunkeun si Dadang.
Enok : Kang
Dadang...kamana atuh akang teh? Teu aya ngabaran pisan. Enok teh kangen ka akang. Akang
oge teh kangen teu ka enok? Inget teu ka enok? Boa-boa akang teh papendak jeung
istri nu leuwih geulis ti enok. Euleuh...enok teh jadi teu genah hate kieu.
Kudu kitu enok teh narima lamaran kang Soleh? Tapi kang Dadang?
Ma Ijah : Heh enok! Maneh teh keur naon
didinya? Lainna gera sare. Maneh teh pasti mikiran si dadang nya? Euh jalma
kitu wae di pikiran! Mening ge tah si soleh. Geus mah beunghar, bageur deuih.
Enok : Teu ma, enok teh teu mikiran si
Dadang. Enok teh mikirkeun kang Soleh iraha atuh ngalamar enok.
Ma Ijah : Enok teh teu salah? Enok
teh dek nikah jeung si soleh?
Euleuh euleuh ema
teh meni bungah kieu.
Enok : Muhun ma,
enok teh ngalakukeun ieu demi ema. Enok siap nikah sareng kang Soleh.
Ma ijah : Tah kitu
atuh nok. Engke teh kan urang jadi tambah beunghar. Aduh ema teh teu sabar ngabaran
si Soleh.
Geus
sababaraha bulan si Dadang di kota teu ngabaran ema jeung abah di kampung.
Ema : Bah, geus sababaraha bulan ieu si
dadang teh teu ngabaran pisan. Ema teh hariwang pisan.
Abah : Ah da si dadang teh geus gede.
Engke oge balik deui ka dieu.
(Henpon abah disada)
Kirining kirining...
Ema : Bah bah, eta telepon teh
kikiriningan? Saha eta teh nu nelepon? Meni ngagandengan pisan.
Abah : Keun urang angkat heula.
Halo,
tong ngagandengan ai nelepon teh. Bebeja heula mun dek nelepon jadi teu
gandeng.
Dadang
: Halo, ieu teh abah?
Abah
: Abah abah, jiga nu kenal weh maneh the!
Dadang
: Ai abah ieu the dadang anak abah nu kasep tea.
Abah
: Oh dadang? Dadang anak abah numana heula ieu the?
Dadang : Har ai abah. Emang abah boga
anak nu ngaranna Dadang sabaraha hiji ?
Ieu teh Dadang Suradang tea.
Abah : Oh bebeja atuh tatadi.
Dadang : Eh si abah mah tatadi geus
dibejaan ge!
Abah : Heuh hampura weh da abah teh geus
kolot.
Ema : Bah eta teh saha atuh meni asa
rariweuh?
Abah : Ieu teh si dadang gening ma nu
gandeng teh!
Ema : Oh si dadang, cik kadieu ema hayang
ngomong. Dang?
Dadang : Halo ma. Geus heula nya ma ieu
pulsana bisi beak. Assalammualaikum. (tut tut tut)
Ema : Dang ? Dang ? Halo ? Eh
kalakah tututan.
Abah : Naon atuh ma?
Ema : Ieu si dadang teh diajak ngomong
kalakah hayang tutut. Jeung teu ngomong deui.
Abah : Har ai si dadang teh kumaha? Cik
kadieu. (ningali hape) Euh ema ieu mah dipareuman lain hayang tutut.
Ema : Oh kitu, da ema teu apal atuh.
Mangbulan-bulan
si Dadang di kota, ahirna dadang balik deui ka kampung mawa duit keur ngalamar
si enok.
Dadang : Assalammualaikum. Ma..Bah...Ieu
dadang
Ema : Aduh ieu teh dadang anak ema tea
pan?
Dadang : Muhun ma, ieu teh dadang.
Ema : Euleuh...hayu atuh kasep ka
lebet. Ema teh tos masak tuh.
Sore na, si Dadang
geus siap dek ngalamar si enok.
Dadang : Enok....
(slow motion)
Enok : Setop heula
kang!
Dadang : Kunaon
nok?
Enok : Enok teh bade nyarios ka akang.
Dadang : Muhun pan akang oge bade nyarios
ka enok. Tapi sok atuh enok heula, ledis pers tea
Enok : Kieu kang, sateuacanna enok
nyungkeun hapunten ka akang. Sabenerna enok teh...
Dadang : Sabenerna enok teh naon ?
Enok : Enok teh tos nikah sareng kang
Soleh. Sakantenan enok ge bade pamitan ka akang, enok teh bade pindah sareng
kang Soleh.
Dadang : Jadi enok
teh...
Enok : Muhun kang.
Enok nyungkeun hapunten kang.
Kang, ai akang
tadi teh bade nyarios naon?
Dadang : Euh
henteu, eta dadang teh ayeuna bade euh... eta ngamandian munding.
Enok : Tapi
sanesna munding teh tadi tos dimandian?
Dadang : Euh eta
naon teh euh...can di sikat gigian.
Tos atuh nya nok. Selamet weh nya. (bari
indit)
Monolog
Dadang.
Dadang : Neng enok teh meni ka tega pisan
ka akang. Akang teh jauh jauh merantau neangan duit keur ngalamar enok, tapi
enok hianat. Enok teh teu satia ka akang. Mun kitu teh keur naon atuh akang
balik deui kadieu ai ningali enok jeung nu lain mah. Ah sedih...
Di
kampung, si Priciel ojol-ojol datang ka
kampung jeung si Claudya.
Priciel : Kita harus kemana ya sekarang?
Claudya : Coba kita tanya aja ke ibu
warung yang disitu.
Priciel : Yuk!
Bu, permisi...kalo Ma entong kemana ya?
Ibu warung : Har ai rek mantog mah kamana
weh. Make jeung tatanya!
Claudya : Bukan bu maksudnya kita nyari
Ma entog, emanya si Dadang.
Ibu warung : Oh wawartos atuh neng.
Kompromi heula atuh. Tuh kaditu belok kanan aya pager awi tah didinya imah Ma
entog teh. Nu aya pantoan. Tah dianteur ku si Neng.
Priciel : Oh gitu bu. Makasih ya bu.
Yuk neng!
Neng : Tah ieu teh bumi kang Dadang teh.
Ma...ma... ieu aya teteh ti kota.
Ema : Saha nya neng?
Neng : Duka da nyariosna mah bade ka kang
Dadang. Nya atos atuh teh, neng pamit heula da tos aya si ema.
Priciel : Oh iya makasih ya neng.
Ema : Neng, neng teh dari kota?
Priciel : Iya ma, Dadang nya ada?
Priciel : Iya ma, Dadang nya ada?
Ema : Ada tuh sedang ngangon munding
dibelakang.
Priciel : Oh iya ma makasih. Saya kesana
dulu ya ma.
(Dadang ti jauh ningali Priciel)
(Dadang ti jauh ningali Priciel)
Dadang : Euluh ituteh saha nya? Asa apal.
Priciel : Dang!
Abah : Dut
Priciel : Dang!
Abah : Dut
Dadang : Ih si abah mah atuh era.
Eh neng priciel aya naon atuh
kadieu ? Kangen nya ka Dadang.
Priciel : Gini dang, aku kesini mau
ngasih kamu ini. (ngasongkeun ondangan)
Dadang : Naon ieu teh neng ?
Priciel : Itu undangan nikah aku
sama Sam.
Dadang : Oh jadi teh neng Priciel mau
nikah?
Priciel : Iya dang. Kamu dateng ya.
Dadang : Oh iya neng.
Priciel : Yaudah dang aku pulang dulu ya.
Bye
Dadang nu
ngadenge berita eta sedih.
Dadang : Naha nya hirup dadang teh meni
kieu kieu teuing. Naon salah dadang teh? Neng enok nikah jeung si Soleh. Neng
Priciel? Erek kawin. Euleuh...bener hirup teh peurih. Tapi Dadang teh ulah
patah sumanget, hirup mah kudu optimis. Dadang yakin pasti engke dadang meunang
nu leuwih ti neng enok jeung neng priciel. Amin
Abah : Amin oge dang lah.
Dadang : Eh si abah teh pipilueun wae.
Abah : Hehe
TAMAT
Tidak ada komentar:
Posting Komentar